राम्रो अनलाइन
३० असार २०७८, बुधबार
काठमाडौँ, ३० असार : विशेष अदालतले ललिता निवासको जग्गा प्रकरणमा भ्रष्टाचारको मुद्दा खेपिरहनुभएका नेपाली कांग्रेसका उपसभापति विजयकुमार गच्छदारसँग रु १० लाख धरौटी माग गरेको छ ।
विशेष अदालतका अध्यक्ष प्रेमराज कार्की, न्यायाधीश अब्दुल अजिज मुसलमान र नित्यानन्द पाण्डेयको इजलासले आज थुनछेक बहसपछि उक्त धरौटी माग गर्ने आदेश गरेको हो ।
विशेष अदालतका प्रवक्ता पुष्पराज पाण्डेका अनुसार नेता गच्छदारलाई अदालतले आज उक्त विवादमा बयान लिएर थुनछेक बहसपछि रु १० लाख धरौटी माग गरेको थियो । उनले आजै रु १० लाख बुझाएका छन् ।
बालुवाटारको ११३ रोपनी सरकारी जग्गा व्यक्तिको बनाई भ्रष्टाचार गरेको आरोपमा अख्तियार दुरुपयोग अनुसन्धान आयोगले २०७६ माघ २२ गते गच्छदारविरुद्ध विशेष अदालतमा मुद्दा दायर गरेको थियो । नेता गच्छदारविरुद्ध रु नौ करोड ६५ लाख ७६ हजार बिगो माग गरिएको थियो ।
सम्बन्धित खबर
-
बाढीबाट प्रभावित जलविद्युत आयोजनामा भइरहेको उद्धार तथा खोजको अपडेट (पूर्णपाठ)
-
नुवाकोटमा हराइरहेका व्यक्तिको खोज तथा उद्धारमा तीव्रता
-
रसुवा बाढीः एक हजार ३५५ को मृत्यु
-
भोटेकोशी बाढीः एक हजार ३० शवको सुरक्षित व्यवस्थापन
-
एघार दिनपछि एक महिलाको सकुशल उद्धार
-
अवस्था असहजः खाना पकाउने ग्यास वितरणलाई सहज बनाउँदै साल्ट ट्रेडिङ
