ललितपुर– हस्पिट्यालिटी क्षेत्रमा अब्बल सेवा प्रदान गर्ने उद्देश्यसहित सम्भवतः काठमाडौं उपत्याककै सबैभन्दा धेरै क्षेत्रफलमा फैलिएको ब्यांक्वेट ‘हर्ष बाटिका’ ललितपुरको बालकुमारीमा सञ्चालनमा आएको छ । ३६ हजार वर्ग स्क्वायर फिट इनडोर हल भएको यो ब्यांक्वेटको गार्डेन एरियाको क्षेत्रफल १२ हजार वर्ग स्क्वायर फिट रहेको हर्ष बाटिकाका सञ्चालक सुरज कार्कीले जानकारी दिए । 

‘ग्राउण्ड फ्लोर’ र ‘फस्र्ट फ्लोर’ गरी दुई वटा विशाल पार्टी हल रहेको ‘हर्ष बाटिका’ लाई युनिक थिममा निकै आकर्षक ढंगले आरजी क्रियसन नेपालले डिजाइन र निर्माण गरेको हो । ११ रोपनी क्षेत्रफलमा फैलिको चार कुना मिलेको जग्गामा निर्माण गरिएको ‘हर्ष बाटिका’ पुग्नेहरू यसको भव्यता देखेर निकै हर्षित हुने गरेका छन् ।

कोटेश्वरबाट बालकुमारी जाँदा पुल तर्ने बित्तिकै चक्रपथबाट १०० मिटरको हनुमन्ते खोला करिडोरमा रहेको हर्ष बाटिकमा पर्याप्त पार्किङको सुविधा रहेको छ । यहाँ दुई सय वटा चार पाङ्ग्रे सवारी साधन र दुई सय वटा मोटरसाइकल पार्किङ गर्न सकिने पार्किङ स्थल रहेको छ । लोकेसनका हिसाबले काठमाडौं र ललिलतपुरको बीचमा रहेको ब्यांक्वेट निकै पायक पर्ने स्थानमा छ । यहाँ भक्तपुरबाट पनि इभेन्ट गर्न पायक पर्ने हर्ष बाटिकाका प्रबन्ध निर्देशक विकल श्रेष्ठ बताउँछन् । 

‘हर्ष बाटिकाको कन्सेप्ट र डिजाइनका लागि निकै अनुभव टिमलाई जिम्मा दिएका कारण यसको भव्यता सम्भव भएको हो’, सञ्चालक कार्कीले भने, ‘हामीले धेरै अध्ययन र सोधखोज पछि नेपालमा उत्कृष्ट र युनिक ब्यांक्वेट डिजाइन तथा निर्माण गर्दै आइरहेको आरजी क्रियसन नेपाललाई यसको निर्माण गर्न सुम्पिएका थियौँ ।’ 
सोचेभन्दा र हाम्रो प्लानभन्दा धेरै राम्रो ब्यांक्वेट निर्माण गरेर आरजी क्रियसनले हस्तान्तरण गरेको भन्दै उनले खुशी व्यक्त गरे । आरजी क्रियसनले हर्ष बाटिक मास्टर पिस बनाएको प्रबन्ध निर्देशक श्रेष्ठले बताए । 

‘लोकेसन, डिजाइन, इन्टेरियर सेटिङ तथा गुणस्तरीय एवम् विविध भेराइटीका खानाका कारण हर्ष बाटिकाले दिने सर्भिस कुनै पाँचतारे होटलभन्दा कम छैन’ सञ्चालक कार्कीले  भने । हर्ष बाटिका भिजिट गर्ने जोकोही पनि यसको सजावट र भव्यता देखेर मत्रमुग्ध हुने गरेको उनी बताउँछन् । 

आरजी क्रियसनले काठमाडौँ उपत्यका लागायत देशका विभिन्न शहरमा दर्जनौँ ब्यांक्वेट तथा हस्पिट्यालिटीसँग सम्बन्धित दर्जनौँ प्रोजेक्टहरू निर्माण गरिसकेको छ । ‘हर्ष बाटिकमा प्रयोग गरिएका फर्निचर, लाइट, डोकेरेसनका आइटम नेपालका कुनै होटल तथा ब्यांक्वेटमा प्रयोग नभएका गरिएको छ’, आरजी क्रियसनका अध्यक्ष राम गिरीले भने, ‘आफ्नो आवश्यकता र स्पेस अनुसारको साइजमा फ्युजन गरेर इन्टेरियर सामग्री अर्डर गरेर आयत गरिने भएकोले अरुभन्दा भिन्न हुने गरेको उनले बताए । 

अध्यक्ष गिरीले आफ्नो आइडिया र भिजनलाई व्यवहारमा उर्तान दक्ष सिभिल इन्जिनियर, आर्टिटेक्ट, लाइट सम्बन्धि काम गर्ने दक्ष प्राविधिक एवं दक्ष निर्माण कालिगडहरूको प्रयोग गर्ने गरेका छन् ।

ब्यांक्वेट निर्माणको काम लिइसकेपछि सञ्चालकहरूलाई उहाँहरूले सोचेभन्दा अब्बल खालको प्रडक्ट दिनु नै आरजी क्रियसनको एकमात्र उद्देश्य रहेको अध्यक्ष गिरी बताउँछन् । ब्यांक्वेट भन्नेबित्तिकै विवाह, व्रतबन्धका लागि पार्टी आयोजना गरिने स्थानका रूपमा बुझ्ने गरिन्छ । तर, हर्ष बाटिकाले गोष्ठी, सेमिनार, विभिन्न किसिमका तालिम तथा इभेन्टहरूका लागि पनि सेवा उपलब्ध गराउँछ । करिब तीन हजार जनासम्मको पार्टी आयोजना गर्न सकिने गरी ब्यांक्वेट तयार गरिएको छ ।

ग्राहकको बजेटअनुसार सिल्भर, गोल्ड तथा डाइमन्ड गरेर तीन खालको खानाको मेनु तय गरिएको छ । आफ्नो बजेटअनुसार मेनु छनोट गर्न सकिन्छ । विवाहका लागि चाहिने पुरोहितदेखि गाडी, बग्गी, बाजा, फोटोग्राफी, भिडियोग्राफी, गाडी डेकोरेसनलगायत सम्पूर्ण प्याकेज सुविधा ब्यांक्वेटमा उपलब्ध छ । हर्ष बाटिकामा लाइटिङ सिस्टम निकै सुन्दर र आकर्षक रहेको छ ।